حوار حصري بيني و بين واحد مش فاهم شيء
تعجبك الثورة الفرنسية ؟
واحد مش فاهم شيء : بالطبيعة ثورة عظيمة حررت الفرنسيين و أسست الديمقراطية
باهي أنا نرى أحسن حاجة تصير بعد الثورة التونسية ، كان نقصوا رؤوس الخونة و عملاء النظام السابق ...آش رأيك ؟
واحد مش فاهم شيء : انتوما هلكتو البلاد و اقتصادنا باش يضيع في جرتكم ...البلاد دخلتوها في حيط بالتفكير هذا
تي هاو في الثورة الفرنسية قعدوا أكثر من عام بعد الثورة يقصوا في الرؤوس بالرسمي مش بالكلام و المعنى المجازي ... هاذم ارهابيين ملا؟
واحد مش فاهم شيء : لا هذيكا حاجة أخرى ، مش كيفنا
باهي ... يعجبك الثوري شي غيفارة ؟
واحد مش فاهم شيء : بالطبيعة و هل يخفى القمر
هيا باهي ...أما خسارة طلع إرهابي يقتل في الخونة و العملاء بسلاحو
واحد مش فاهم شيء : لا يا ولدي هذيكا اسمها مقاومة لازمك تفرق
ملا شنوا رأيك في المقاومة الأفغانية (طالبان ) ضد الأمريكان في بلادهم ؟
واحد مش فاهم شيء : بربي ما تحكيليش على الظلاميين و الإرهابيين ... ناقصين كان ارهابيين
إممم فهمتك ...أمورك هانية
Articles
1 commentaires:
مالا على حد هذا اكثر من زوز ملاين تونسي لازم نعدموهم مش هكا (التجمعيين)يا خي لازم علينا بالضرورة نتبعو فلان و فلتان اش عمل ...ياخي شكون قالك الي عملوه هاكا هو الصحيح ...يظهرلي كان باش نكمل تو نولي كيف هالي ماهو فاهم شي ايا مالا نسكت خيرلي ما كانش تو نولي بيا و عليا...
Enregistrer un commentaire
في انتظار تعاليقكم
J'attend vos commentaires