رد بالك تخرج فما غول يييمممم

:تعرف آش قال سي أدولف هتلر...قال

إذا أردت السيطرة على الناس أخبرهم أنهم معرضون للخطر وأن أمنهم تحت التهديد، ثم
شكك في وطنية معارضيك

حلو حلو حلو ياسر !!!

الكلام واضح من غير تفسير و شرح، سي هتلر حط أساس النظرية التي تطبقها أغلبية الأنظمة الاستبدادية الآن، خوفهم من الحيوانات الوحشية...خوفهم من العصابات ...خوفهم من الغول الأسطوري الذي يقبع خلف هذا الباب المقفل...خوفهم من كل شيء حتى لا يرو غيرك

إيه و شنوا آخر ؟ !!

كان طلعلك مثلاً واحد بليد شوية وجايب فيها بطل و بو عريف... ساهل برشة ، تنجم تخسر عليه كلمتين خفاف نظاف "حاسبوه ...قاعد يضر في مصلحة الوطن و مكتسبات الثورة ...راهو ما يغسلش في سنيه " و ديمة عاود نفس الكلمتين و ما تقلقش حتى وين يصدقوك لعباد و تقعد كان إنتي أمل النجاة...مريقل ؟...لا مش مريقل! ومش مريقل بالكل زادة !

علاش ؟

على خاطر التكتيك هذا تكتيك "الفزاعة" مازال موجود وبكل رقعة صحيحة و مصاته ...رغم إلي احنا فدينا منو بعد ما قاعدوا يستعملوا فيه ضدنا من الإستقلال ليومنا هذا ... يبدو أن الحكومة المؤقتة مازالت متأثرة بالتكتيك هذا و التشويه خدام بوه كلب
إلي يحل فمو ما ترحموش لازم سمعتوا تولي كيف التوالاة

وأي تيار عندو علاقة بالإسلام تهبط عليه الخرافات الخيالية ...راهو يبخ بماء الفرق ! راهو يقص اليدين و إنت مشي هكاك ....لا ، و الغريبة وين أن الهجمة الخايبة برشة خرجت في نفس الوقت

من غير ما نحكيو زادة على القناصة و البصاصة و العصابات الملثمة ....لكن المرة هذي قلتلهم أسكتو قلك فما تنظيم القاعدة في تونس ، عملوا مسرحية جديدة قتلوا فيها شوية مواطنين باش تكون محبوك بالكدا ... لا و عطاك ربي ما همش مشلقين حتى طرف بعد ساعتين قلك عنا برنامج يناقش موضوع الإرهاب ...بالزهر و بالصدفة جاو في نفس النهار ...سبحان الله

مبعد كيف تفرجت في البرنامج تأكدت من النية الطيبة ... قلك لازم الشعب يد وحدة ضد الإرهاب الكلنا مع الشرطة و الجيش ما لزمنا نفكرو في حتى شيء آخر ...و الكلام إلي تقال عليهم قبل لازم ننساووه ....احنا في خطر و مصلحة البلاد قبل كل شي


أقوى لقطة المذيع قال إلي جماعة القاعدة جاو إلى تونس باش ينتقموا لموت بن لادن هههههههه !!! بربي كيفاش ...حكى معاهم ؟
 MSN و إلا ب Skype زعمة ب

يا توانسة هاذم قاعدين يستبلهوا فينا ، عبارة كيف كنا صغار و يقولوننا : رد بالك تخرج فما غول يييمممم

يعني واضح أن تكتيك "الفزاعة" لازل مستمرة معنا "رد بالك " "إرهاب" "شد مشومك لا يجيك ما أشوم " ... و احنا من المفترض طبعاً ان نتفاعل ونتجاوب مع هذه التحذيرات ونقول "يا لطيف" "يا ستار استر " " تونس مشات " "الشعب هرب " "وزارة الإرهاب يا دولة " !!!

لحقيقة عندي نصيحة لحكومة الديناصورات : بربي شوفوا تكتيك جديد العبوا بيه على خاطر هذا ولا مكشوفة برشة و يجيب النوم ... و كان مش مصدقين كلامي إسهلوا هتلر وهو يقلكم !

إقرأ المزيد... Résuméabuiyad

حوار حصري بيني و بين واحد مش فاهم شيء

حوار حصري بيني و بين واحد مش فاهم شيء 


تعجبك الثورة الفرنسية ؟


واحد مش فاهم شيء : بالطبيعة ثورة عظيمة حررت الفرنسيين و أسست الديمقراطية


باهي أنا نرى أحسن حاجة تصير بعد الثورة التونسية ، كان نقصوا رؤوس الخونة و عملاء النظام السابق ...آش رأيك ؟


واحد مش فاهم شيء : انتوما هلكتو البلاد و اقتصادنا باش يضيع في جرتكم ...البلاد دخلتوها في حيط بالتفكير هذا


تي هاو في الثورة الفرنسية قعدوا أكثر من عام بعد الثورة يقصوا في الرؤوس بالرسمي مش بالكلام و المعنى المجازي ... هاذم ارهابيين ملا؟


واحد مش فاهم شيء : لا هذيكا حاجة أخرى ، مش كيفنا


باهي ... يعجبك الثوري شي غيفارة ؟


واحد مش فاهم شيء : بالطبيعة و هل يخفى القمر


هيا باهي ...أما خسارة طلع إرهابي يقتل في الخونة و العملاء بسلاحو


واحد مش فاهم شيء : لا يا ولدي هذيكا اسمها مقاومة لازمك تفرق


ملا شنوا رأيك في المقاومة الأفغانية (طالبان ) ضد الأمريكان في بلادهم ؟


واحد مش فاهم شيء : بربي ما تحكيليش على الظلاميين و الإرهابيين ... ناقصين كان ارهابيين


إممم فهمتك ...أمورك هانية

إقرأ المزيد... Résuméabuiyad

Newer Posts Older Posts