ابتلينا

ابتلينا
بالحمق ابتلينا
قعدنا ندورو في حلقة مفرغة ونسينا
ان تونس عندها حق علينا
في عوص اناقشو اللي يستنى فينا
قعدنا نقولوا بورقيبة عمل فينا
الزين ما خلى فينا
ليلى و الطرابلسية يضحكوا علينا
الغنوشي خبى علينا
السبسي لعهد بورقيبة يرجع فينا
الراجحي شعلها فينا
اللطيف متخبي يحكم فينا
النهضة اذا تفوز تعمل فينا
يا ناس يا بشر فكوا علينا
بربي لوين هازينا
تحبو نحلفلكم معادش حتى واحد يعديها علينا
إذا تحبوا الكرامة و العيشة الهنيا
التجمعيين من السياسة بعدوهم علينا
لازمنا استقلالية في القضاء خلي يصفينا
ملف القناصة من الأرشيف خرجوا علينا
طالبوا بمحاسبة البوليس إلي عتدى علينا
مباعد ابنو ديموقراطية صحيحة تحمينا
و إنتخابات بدون تجمعين لشرعية ترضينا
تحت مراقبة دولية تهنينا
وبعدو هالتخلويض علينا
عكس هذا عهود العبودية تستنى فينا
الله يعفو بيكم و بينا

3 commentaires:

Nitzoss a dit…

يا فيكو كان جي المتنبي عايش ما يدور يشلط ... مشروع شاعر مودارن ... لكن المهم المساج يوصل

Unknown a dit…

هههه شعر حوم بطريقة الزلاط

Siaw Jupiter a dit…

هاو طلع عندك قدرات شعرية فذة ...لوووووووول

Enregistrer un commentaire

في انتظار تعاليقكم
J'attend vos commentaires

Newer Posts Older Posts