كيف نشوف المسؤولين إلي هبطولنا المرسوم 35 للإنتخابات
كيف نشوف إلي حط الفصل السادس و باش يقصي الزوالي ولد الريف
كيف نشوف إنتخابات مجلس تأسيسي بدون حاجز تمثيل
كيف نشوف وزارة الإرهاب مازالت تقمع في المواطنين و باش تشرف على الإنتخابات
كيف نشوف الهيئة تمنع الرقابة دولية و تتركك علينا
كيف نشوف الهيئة تمنع الرقابة دولية و تتركك علينا
كيف نشوف المدونين إلي ديمة ضد الثورة و نعتوا الثوار بالعصابات الملثمة و الإرهابيين
كيف نشوف المدونين إلي بعد 14 جانفي اصبحوا ثوريين و ملهبي الثورة بعد ما كانوا ساكتين
كيف نشوف المدونين التجمعيين و عملاء البوليس السياسي في الأنترنات على غرار حميدة الطحان
كيف نشوف الناس إلي كانت ضد القصبة 1 و 2 و 3 و إعتبروا المعتصمين هوكش ، نزوح و دخلوا البلاد في حيط
كيف نشوف الناس إلي ليلة راس العام كانوا يحتفلوا بالفودكا و باستيص و غيرهم قاعد يموت و في يدو باكو حليب
كيف نشوف جماعة محمد الغنوشي أو ما يسمى بالأغلبية الصامتة إلي عمرها ما شاركت في الثورة
كيف نشوف جماعة السبسي أو ما يسمى بالأغلبية الساحقة إلي فرحت في اليوم إلي تدنس فيه بيوت الله
كيف نشوف نشوف ناس تجرم في كلمة الحق و تهدد بعام جيش للأحرار
كيف نشوف جغام ، الاحزاب البنفسجية و الأحزاب إلي حطت اليد في اليد مع الصهاينة و عملولنا مسيرة ضد العنف
كيف نشوف غيرهم و غيرهم إلي عمرهم ما فكروا في غيرهم
نلقاهم الكل متفاهمين على نفس الشعار : أنا قيّدت وإنت فاش تستنى بش تقيّد ؟
ياسيدي أنا مانيش مقيد ، إي نعم مانيش مقيد ، أنا ما نشاركش في كذبة و مسرحية ديمقراطية ... على الأقل ولدي نهار آخر ما يقوليش : يا بابا عدوها عليك ... أنا حر في روحي نتقيد و إلا ما نتقيدش
وكيف نشوف إلي عنا حكومة جدية تحب تخدم البلاد ، وقتها نقول أنا إننتخب وإنت فاش تستنى بش تنتخب ؟
Articles
0 commentaires:
Enregistrer un commentaire
في انتظار تعاليقكم
J'attend vos commentaires