Vcom Freedom

تي ماني قلتلكم و حكيت سابقاً انو مستحيل إسقاط النظام -مطلب شعبي من مطالب الثورة- بنفس وجوه اللوح إلي مكبشين في هالبلاد من عهد بورقيبة وزعبع،التجمعيين...توه يا ناس تجي ثورة ياخذ المشعل فيها النظام السابق ؟

فاش تحكي وقتاش هذا ؟

نسيت قائد الثورة العظيم المبزع ؟ نسيت حكومة الغنوشي ؟  الأحزاب طلعوا من الأول بو دورو وما قالو شي قلك المفيد نعملوا إنتخابات مش مشكل الرئيس والسلطة التنفذية تقعد في يدين أركان النظام النوفمبري الفايدة في الإنتخابات الرئاسية  القادمة وبرلمان جديد وتيك تاك حط في الساك ...نجحنا في الثورة وحققنا الأهداف النظام طاح هههه،زيد على هذا الأحزاب ضد إقصاء التجمعيين النظاف كما جماعة حزب كمال مرجان وجغام






مانيش عارف آش كان باش يصير فينا كان ما عملناش القصبة 1 و 2 !! قداش باش نصلحولكم أغلاطكم والبهامة والتصطيكة البقري متاعك يا احزاب

إيه والله صحيح عندك الحق ! المفيد منعنا يا بوقلب

شنوا منعنا ؟ فاش تحكي ؟ ما صحش قتلي ثورة فوتوشوب

إيه مش عارف المشكل وين بالضبط

تي ماني قتلك احزاب مصطكة تصتيكة بقري ،بعد ما عملنا القصبة وطيرنا الغنوشي قعد قائد الثورة العظيم المبزع يقود في الثورة وجابولنا مجرم آخر لكن يكور بالغنوشي وبعشرة كيفو  بجبووووج  إلي رحبوا به الأحزاب الكل وقالو السيد هذا ينجم يقودنا إلى إنتخابات نزيهة وهذا هو رجل المرحلة وكلهم يعرفو انو السيد هذا ديناصور وزيد مجرم وبياع شراب وزيد تجمعي هاذم الكل فيه والأحزاب وافقو عليه باش يبني تونس الجديدة ههه

ما جاتش البالي هذي !  بالحق ضهروا م***** ...أما الحمد الله عملنا إنتخابات نزيهة

^^'  

إيه عملت عملة ...تي بالعكس،انتي بالطريقة هذي إستعرفت بجرذان التجمع وزدت خليتهم يشاركوا في الثورة معنها أحنا نخرجوهم من الباب والأحزاب يرجعوهم من الشباك 
الاتعس انو الجبالي بعد ما ربح حزب النهضة بالأغلبية في الإنتخابات يجي ويعرض إسم بجبووووووج  ضمن الأسماء المقترحة لرئاسة الجمهورية ...اشنوا رايك توه






فضيحة ! فضيحة !

فضيحة وسكتت ملا أش قولك في الجبالي كيف يقعد قعدة سوفرونس مع السبسي و كمال اللطيف ؟



عااار على الثورة !!! 

آش من عار هاذم ناس يتعاملوا مع التجمع عادي ...بالعكس قاعدين يستقطبوا فيهم باش يقوموا بإنجازات ثورية من أجل تونس ...تعرف خير منهم إنت ؟

لا ما نعرفش، أما ما نتصورش انو الكلام هذا صحيح ...تي راهم ناس يخافوا ربي مهما يكون

بيتهيألك ...هيا شد عندك السيد إلي في التصويرة هذي هو محمود كريم المستوري عضو في مجلس النواب سابقاً ممثل لحزب التجمع المخلوع عن جهة صفاقس، كان ناشط حتى 13 جانفي و الآن واقف مع الشيخ الغنوشي وقفة ياسر ثورية

يمكن صدفة مسكين منين يعرف عليه هو

أممم صدفة،قاعد نفهم فيك باهي والعريض باش يصلح الداخلية بمساعدة الحبيب الصيد آش قولك ؟ الرتبة إلي عند الصيد حاليا ما خذاهاش أيام زعبع لأنو كان مجرد عضو للجنة المركزية للتجمع

يمكن خايفين على الوضع في تونس  يتفجر ...خاطر الداخلية صعيبة شوية

علاش دبوزة غاز هي باش تتفجر ...شبيه  الراجحي آش صرلو كيف دخل عليهم ؟!! باهي يا سيدي أخطانا من الداخلية وكلاب البوليس ...آش قولك في الإعلام ؟ تي هاو الجبالي يحب يصلح في الإعلام، هذاك علاش عبد الوهاب عبد الله طلعوه براءة مسكين والجبالي جابلنا رضا الملولي وقال هاذم من الناس إلي اخترتهم باش يهتموا بموضوع إصلاح اللإعلام ...هيا شد عندك هذي عينة على نشطات المناضل هذا



هذي بالحق مهزلة وفضيحة وعاار 

من غير ما نحكيلك على رجال الأعمال الفاسدين كما الهادي الجيلاني وعزيز ميلاد وغيرهم وغيرهم ...هاذم ناس نظاف لازم الحكومة  تدعمهم وتدافع عليهم بالبونية كان لزم و أكبر دليل مؤخراً يوريك قوة الحكومة وارداتها على بناء تونس برجال التجمع  رفض الجبالي إقالة النابلي 
مازال ومازال الشيء ، ما خفي كان أعظم... أنا تعبت من الحديث هذي عينا أخرى في فيديو وسيبني راني فديتت !!! لا عمري ريت ثورة تسقط نظام بنظام قديم كان ثورات الفوتوشوب بالطبيعة 




 نسيت حاجة هذا الزقزوقي رئيس الجمهورية مازال يستقبل في قائد الثورة العظيم فؤاد المبزع باش يعطيه شوية تعليمات لإكمال مشوار الثورة 

 فوتوشوب !  فوتوشوب !  فوتوشوب !  فوتوشوب !  فوتوشوب !