سوسن معالج تقود الأمة الإسلامية










أوضحت نجمة نسمة الإيطالية سوسن معالج رأيها في فيلم "حيرة"و إعتبرت نفسها قدوة لنساء تونس ...هاني عرفت علاش نسبة الطلاق في تونس الأولى عربيا والرابعة عالميا ...و اشارت إلي فما مشكلة هوية في نساء تونس و فما دمغجة عبر القنوات الفضائية لعقلية المرأة التونسية و السبب في هذا هو الإسلام على خاطر المرأة المتدينة علاقتها بالدين مش واضحة و ما هيش فاهمة شي و تعتبر العملاقة سوسن أنو مظهر أكثر منو إقتناع و طريقة عيش و إلي البروباغندا هذي عندها أبعاد سياسية و إقتصادية فقط و إلي هي طاعون ينخر في المرأة التونسية إلخ إلخ إلخ
يا عملاقة يا سوسن أول حاجة ماتقولش متدينة... قول متحجبة خاطر كلمة متدينة مش محرمة فوق الراس و لبسة...التدين أخلاق و عمل وهذي حاجة ما يمكن ما تفهمهاش وحدة كيفك ...باهي انتي قلت إلي فما مشكلة هوية نقلك كلامك صحيح إما باش تقولي إلي الحجاب يفسخ الهوية نقلك مش صحيح برى شوف أصلنا و دينا شنوا يقول أبدى من السفساري و المحرمة و انتي ماشية ...باهي نتعداو لنقطة الدمغجة عبر القنوات الفضائية توا بربي قولي شنوا إلي ريتو في القنوات الفضائية الإسلامية العربية و التونسية ياخي كيف يجي شيخ و ينصح البنات و يقلهم استرو رواحكم ما تفتنوش الرجال ما تزناوش راهو حرام ...خافوا ربي ركزوا على مستقبلكم ... النصائح هذي و أساسيات الدين الإسلامي تعتبر فيه دمغجة و نذكرك إلي تونس دولة مسلمة ... غريبة فيك يا سوسن و زيد تقول المرأة المتدينة مش فاهمة شيء بربي قولي.... ياخي البنات المتحجبات إلي ولاو مهندسات و أطباء و دكاترة و معلمات...هاذم الكل بهايم و انتي إلي فاهمة إنت في كلامك هذا تعديت على شريحة كبيرة من نساء تونس و لازمك تطلب منهم السماح و تقول زادة التدين مظهر أكثر منو إقتناع و طريقة عيش بربي قولي شكون إلي قلك مهمش مقتنعين بلي يعملوا فيه ....شنية الدكتاتورية هذي؟ ياخي بالقوة تفرض في رايك عليهم؟..و تحلل في السياسية زادة مدام وليت تعتبر إلي في الإسلام فما بروباغندا عندها أبعاد سياسية و إقتصادية ...أنا نجاوبك و نقلك اش تحبلك حطب نهار آخر
مباعد تجينا في الإخر و تعتبر روحك قدوة لنساء تونس و باش تاخو الراية من أمهاتنا و جدتنا و هذا واجب متاعها و لازم تلعب دورها و إلي المرأة التونسية تعرف الثنية...كيفها بضبط بالمشروبات الروحية
كان أمهات تونس يواليوا كيفك هكاكة نمضمضوا عليها البلاد يا سوسن ...يزينا من النفاق
في الآخر نحب نقلك جملة صغيرة و يذنوبي كان النوع متاعك يفهمها

"إذا صلحت المرأة صلح المجتمع وإذا فسدت المرأة فسد المجتمع "

1 commentaires:

THE Mr.YAS007 a dit…

j'aime

Enregistrer un commentaire

في انتظار تعاليقكم
J'attend vos commentaires

Newer Posts Older Posts